Almennir Skilmálar
- Greiðsla og greiðsluform
Hægt er að greiða með greiðslukorti frá Visa og Mastercard. Þegar verslað er, þarf að skrá inn númer korts, gildistíma og staðfestingar kóða. Einnig þarf að ská, nafn, kennitölu, heimili, netfang, síma, og á hvaða tímum þú getur sótt vöruna. Þú munt fá e-mail með upplýsingum um að varan sé tilbúin til afhendingar. Fjárhæðin gjaldfærist samdægurs.
- Vöruafhending
Allar vörur í netverslun eru afhentar á sölustað Gullborg flugelda ehf, við Bauhaus á Lambhagsvegi 2-4, 113 Reykjavík, dagana 28. desember til 30. desember, milli klukkan 10:00 og 22:00, þann 31.desember klukkan 10:00 til 16:00 og 2. – 5. janúar milli klukkan 14:00 og 18:00 og þann 6.janúar klukkan 10:00 – 18:00 eða eftir samkomulagi við Magnús í síma 696 1770 eða Vigni í síma 698 6620. Pantanir sem ekki hafa verið sóttar er hægt að nálgast á næsta sölutímabili að ári.
Þegar vara er sótt þarf að framvísa pöntunarnúmeri eða kvittun fyrir kaupunum.
- Skil eða vöruskipti
Eingöngu er hægt að skila eða skipta vörum sem eru í óopnuðum upprunalegum umbúðum, þær þurfa að vera heilar og óskemmdar í söluhæfu ástandi. Aðeins er tekið við vörum gegn framvísun kvittunar eða reiknings fyrir klukkan 22:00 þann 30. desember. Endurgreitt er eingöngu með millifærslu á reikning viðkomandi. Fyrirspurnir berist á netfangið info@test.gullborg-flugeldar.com.
- Persónulegar upplýsingar
Allar persónulegar upplýsingar um kaupanda vegna notkunar á vefsvæði Gullborg flugeldar ehf, verður farið með í samræmi við lög og reglur um meðferð persónulegra upplýsinga eins og þær eru á hverjum tíma. Gullborg flugeldar ehf áskilur sér rétt til að nýta ofangreindar upplýsingar til markaðsrannsókna sem væntanlega leiða til betri þjónustu við viðskiptavini. Jafnframt áskilur Gullborg flugeldar ehf sér rétt til að nýta ofangreindar upplýsingar með samstarfsaðilum sínum í þeim tilgangi að bæta og til að bjóða fjölbreyttari þjónustu. Upplýsingar verða ekki seldar þriðja aðila.
Aðilar sem versla áskriftarpakka gefa Gullborg flugeldum ehf. leyfi til þess að setja tölvupóst þeirra á póstlista í auglýsingaskyni.
- Takmörkun ábyrgðar
Gullborg flugeldar ehf veitir aðgang að vefsvæði sínu eins og það er á hverjum tíma, en ábyrgist ekki að allar upplýsingar séu réttar, tæmandi eða rétt uppfærðar eða að virkni vefsvæðisins sé ávallt í lagi. Upplýsingar um verð og birgðastöðu geta breyst án fyrirvara og eru því ekki skuldbindandi.
Gullborg flugeldar ehf ábyrgist ekki tjón sem kann að verða vegna notkunar á vefsvæði eða þjónustu tengdu netsvæðinu.
Ef kaupandi hefur ekki náð 18 ára aldri, áskilur Gullborg flugeldar ehf sér fullan rétt á að hafna viðskiptum fyrirvaralaust.
Gullborg flugeldar ehf áskilur sér fullan rétt á að hafna ábyrgð á vörum sem ekki hafa verið meðhöndlaðar í samræmi við leiðbeiningar á vörunum. Við áréttum að allar breytingar á vörunum eru hættulegar og stranglega bannaðar. Einnig viljum við minna á að engin ábyrg er tekin á skotkökum sem stoppa áður en þær hafa skotið úr öllum hólkum ef þær hafa ekki verið settar á harða og slétta undirstöðu, ástæðan er sú að ef ekki er mótstaða við skothólkinn þegar hann skýtur upp, gengur hann niður úr kökunni og slítur kveikiþráðinn í næsta skothólk.
- Gallaðar vörur
Gruni kaupandi vöru um að vera gölluð ber honum að passa uppá vöruna og koma henni til Gullborg flugelda ehf til að láta meta hvort svo sé. Reynist vara gölluð fær hann afhenta nýja vöru. Reynist flugeldur ekki virka sem skildi þegar kveikt hefur verið í honum, svo sem ef skotkaka stöðvast áður en hún hefur skotið úr öllum hólkum, bendum við á að lesa 4. málsgrein í takmörkun ábyrgðar áður en komið er með vöruna til okkar. Telji kaupandi sig hafa fylgt leiðbeiningum skal hann setja skotkökuna í plastpoka, þannig að skotkakan geti ekki blotnað, og geyma utandyra á öruggum stað þar sem börn ná ekki til. Ef vara reynist gölluð á kaupandi rétt á nýrri vöru eða sambærilegri eða endurgreiðslu óski hann þess gegn framvísun kvittun eða reiknins.
- Lög og reglugerðir
Upplýsingar um lög og reglugerðir er hægt að finna hér:
Hvað er CE vottun? – Mannvirkjastofnun (http://www.neytendastofa.is/lisalib/getfile.aspx?itemid=2856)
Reglugerð um skotelda – Innanríkisráðuneyti (https://www.reglugerd.is/reglugerdir/eftir-raduneytum/innanrikisraduneyti/nr/0414-2017)
Reglugerð um skotelda – Dóms og kirkjumálaráðuneyti (https://www.reglugerd.is/reglugerdir/allar/nr/952-2003)
